رت جگے خواب ہوئے، خواب میں سوؤں کیسے

ایک آنسو بھی نہیں، ٹوٹ کے روؤں کیسے

دِل گھروندے کے مکیں چھوڑ گئے اپنا مکاں

ایک تو باقی ہے اب تجھ کو میں کھوؤں کیسے

ڈال تو لوں کبھی میں اُس پہ بھی اِک تیکھی نظر

اتنی نفرت بھی مگر خود میں سموؤں کیسے

اپنے ہی گھر کو جلا دینا اگر ہو مطلوب

صحن میں چاروں طرف پیڑ میں بوؤں کیسے

میں بھی چاہوں تو اُسے چھوڑ کے جا سکتا ہوں

عمر پھر ساری حسؔن اُسکو میں روؤں کیسے

Ratt jaggay khawaab hue, khawaab mein sououn kaisay
Aik aansoo bhi nahi, toot ke rououn kaisay
Dil gharoundai ke makeen chhor gaye apna makaan
Aik tou baqi hai ab, tujh ko mein khoun kaisay
Daal to loun mein kabhi uss pe bhi ik teekhi nazar
Itni nafrat bhi magar khud mein samoun kaisay
Apnay he ghar ko jala dena agar ho matloob
Sehan mein chaaroun taraf pairr mein bououn kaisay
Mein bhi chahoun tou usay chorr ke ja sakta hoon
Umar phir sari Hasan uss ko mein rououn kaisay