ہمیں لگا کہ کسِی اور ہی دیار میں تھے

عجیب رنگ ہی اب کے برس بہار میں تھے

جو ردِّ کُفر کی بیعت کے مرتکب ٹھہرے

ہم اہلِ صدق و صِفاء کی اُسی قطار میں تھے

ہے سچ تو یہ میں اُنہیں بھی سُنا نہیں پایا

وہ فیصلے جو مِرے اپنے اختیار میں تھے

وہ مُنْتَقَم تھا تو ہم تھے صبر نصیب بہت

اشارۂ ربِ یزداں کے انتظار میں تھے

جو با کمال تھے سارے خزاں نصیب ہوئے

جو بے ہُنر تھے وہ سب سایۂ بہار میں تھے

جو وقت آیا تو بھیڑوں کے غول میں نکِلے

ہمیں گماں تھا کہ وہ شیر کی کچھار میں تھے

نہ احترامِ ولایت نہ خوفِ کَج کَلٰہاں

ہزار عیب تھے جو تیرے خاکسار میں تھے

تراش لی نئی منزلیں سبھی نے حسؔن

بس ایک ہم ہی فقظ تیرے انتظار میں تھے

Hume laga ke kisi aur he diyaar mein thay
Ajeeb rang he ab ke baras bahaar mein thay
Jo radd-e-kufr ki baiyyatt ke murtakib thehray
Hum ehl-e-sidq-o-sifaa ki ussi qitaar mein thay
Hai sach tou yeh mein unhe bhi suna nahi paya
Woh faislay jo meray apnay ikhtiyaar mein thay
Woh muntaqim tha tou hum thay sabar naseeb bahut
Ishaara-e-rabb-e-yazdaan ke intizaar mein thay
Jo ba-kamal thay saray khizaan naseeb hue
Jo bay-hunar thay woh sab saaya-e-bahaar mein thay
Jo waqt aaya to bhairroun ke ghaul mein niklay
Hume gumaan tha ke woh shair ki kachhaar mein thay
Na ehtram-e-wilaayat na khouf-e-kaj-kalahaan
Hazaar ayeb thay jo teray khaaksar mein thay
Taraash li hain naye manzilain sabhi nai Hasan
Bas aik hum he faqat teray intezaar mein thay