ایک احساس کہ مِنّت کشِ اظہار نہ تھا

وہ سمجھتے ہیں کہ میں اُن کا طلبگار نہ تھا

ہم نے اک عُمر اُسے دِل میں بسائے رکھا

ہائے وہ شوخ کہ خود سے بھی جسے پیار نہ تھا

زندگی آتشِ خاموش میں جلتے گُزری

سایۂ زُلف نہ تھا، شعلۂ رخسار نہ تھا

دولتِ جنسِ وفا لے کر ہر اِک سمت پھرا

اس بھرے شہر میں کوئی بھی خریدار نہ تھا

حُسنِ یوسف بھی وہی، چشمِ زُلیخا بھی وہی

میری تاریخ میں اِک مصر کا بازار نہ تھا

وصل کی شب بھی حجابات کی زنجیریں تھیں

موسمِ گل تھا مگر ابرِ گُہر بار نہ تھا

وہ کہ جس نے مجھے بیگانۂ احساس کیا

وہ میرا دِل تھا ترا حُسنِ فسوں کار نہ تھا

سب بھٹرکتے ہوئے شعلوں کو ہوا دیتے ہیں

کتنے آرام سے تھے جب کوئی غم خوار نہ تھا

ہم کہ برسات میں اِک بوند کو ترسے فّواد

اتنا رُسوا تو کبھی عشق کا پندار نہ تھا

Aik ehsaas ki minnat kash-e-izhaar na tha
Woh samajhtay hain ke mein unn ka talabgaar na tha
Hum nai ik umar usay dil mein basaaye rakha
Haye woh shokh ke khud se bhi jise pyar na tha
Zindagi aatish-e-khamosh mein jaltay guzri
Saaya-e-zulf na tha, shola-e-rukhsar na tha
Daulat-e-jins-e-wafa le kar har ik simt phira
Iss bharay shehr mein koi bhi kharidar na tha
Husan-e-yousaf bhi wohi, chashm-e-zulaikha bhi wohi
Meri tareekh mein ik misr ka bazaar na tha
Wasl ki shab bhi hijabaat ki zanjeerain thee
Mausam-e-gul tha magar abr-e-gohar bahir na tha
Woh ke jis nai mujhe baigaana-e-ehsaas kiya
Woh mera dil tha tera husn-e-fasoun kaar na tha
Sab bharaktay hue shouloun ko hawa daitay hain
Kitnay aaraam se thay jab koi gham khawaar na tha
Hum ki barsaat mein ik boond ko tarsay Fawad
Itna ruswaa tou kabhi ishq ka pindaar na tha