!تمہیں معلوم ہے ماؤ
پسِ زنداں
تمہارے بابا کی آنکھوں میں
آنسو کب اُترتے ہیں؟
بس اتنی دیر تک
جب تک تمہارا پھول سا چہرہ
مِری آنکھوں میں رہتا ہے

!تمہیں معلوم ہے ماؤ
یہ روز و شب، یہ ماہ و سال
جو میں نے گذارے ہیں
انہیں ترتیب دینے میں تمہارا کتنا حصہ ہے؟
میں یوں تو تم سے پہلے بھی یہاں تھا
سانس لیتا تھا
مگر اُس دِن سے
جس دِن تم نے دُنیا میں قدم رکھا
مری دُنیا کا سورج، چاند اور تارے
تمہارے ساتھ چلتے ہیں
مِری سانسیں تسلسل کے لئے تم سے عبارت ہیں

!مری ماؤ
محمد کو بتانا
تمہیں منسوب کر کے اُس سے ہم نے
اپنی دُنیا سونپ ڈالی ہے
مری بھی اور تمہاری ماں کی سب خوشیاں
تمہی دونوں کی خوشیاں سے جُڑی ہیں
خدا تم کو سکوں دے اور اماں دے
ہمیں گر ایک دنیا دے رکھی ہے
تو تم دونوں کو وہ سارے جہاں دے
بہت سی کامرانی، کامیابی
اور خوشیاں جاوداں دے
نئی دنیاؤں کے رستے دکھائے
اور نیا اِک آسماں دے

جو تم سوچو وہی تسخیر ہو جائے
جو تم دیکھو وہی تصویر ہو جائے
جو تم چاہو وہی تعمیر ہو جائے
ہمارا خواب بس یہ ہے
کہ تم دونوں کے سب خوابوں کی اب
تعبیر ہو جائے

Tumhe maloom hai Mao!
Pas-e-zindaan
Tumharay baba ki aankhon mein
Ansoo kab utartay hain?
Bas itni dair tak
Jab tak tumhaara phool sa chehra
Meri aankhon mein rehta hai

Tumhe maloom hai Mao!
Yeh roz-o-shab, yeh mah-o-saal
Jo mein nai guzaray hain
Inhe tarteeb denay mein tumhara kitna hissa hai?
Mein youn tou tum se pehlay bhi yahan tha
Saans laitaa tha
Magar uss din se
Jis din tum nai duniya mein qadam rakha
Meri duniya ka sooraj, chaand aur taaray
Tumahray sath chaltay hain
Meri saansain tasalsul ke liye tum se ibaarat hain

Meri Mao!
Mohammad ko bataana
Tumhe mansoob kar ke uss se hum nai
Apni duniya sonp daali hai
Meri bhi aur tumhari maan ki sab khushiyaan
Tum he donoun ki khushiyun se jurri hain
Khuda tum ko sakoun de aur amaan de
Hume gar aik duniya de rakhi hai
Tou tum donoun ko woh saray jahaan de
Bahut si kaamraanee, kamyaabi
Aur khushiyaan javidaan de
Nai duniyaon ke rastay dikhaye
Aur naya ik aasmaan de

Jo tum socho wohi taskheer ho jaye
Jo tum dekho wohi tasweer ho jaye
Jo tum chaho wohi taamer ho jaye
Humara khawab bas yeh hai
Ke tum donoun ke sab khawaboon ki ab
Taabeer ho jaye