خبر یہ لے کے چلے جاؤ بے خبر کے لئے

کہ ہم اُداس بہت ہیں تری نظر کے لئے

یہ زرد پتوں کا گرنا کوئی بات نہیں

کہ سانحے تو ابھی اور ہیں شجر کے لئے

وہ دیکھو وادیٔ کشمیر پھر سُلگ اٹھی

پھر امتحان نیا ہے مرے شہر کے لئے

انہیں یہ عمر اندھیروں میں کاٹنی ہوگی

جو منتظر ہیں کِسی اور چارہ گر کے لئے

غریبِ شہر تو ہر دم اسیر ہے اُسکا

جو چاہیئے اُسے اپنی گُزر بسر کے لئے

ہمارے شہر میں بونوں کی فصل اُگتی ہے

سو سروقد ہوں میں سقراط کے زہر کے لئے

مِلے گی طاقتِ پرواز تو فضاء سے تُجھے

کیوں انتظار میں ہے اور بال و پر کے لئے

تراش لی ہیں نئی منزلیں تو پھر فوّاؔد

نیا سفینہ بناؤ، نئے سفر کے لیے

Khabar yeh lai ke chalay jao bay khabar ke liye
Ke hum udaas bahut hain teri nazar ke liye
Yeh zard pat’toun ka girna tou koi baat nahi
Ke sanehay tou abhi aur hain shajjar ke liye
Who dekho waadi-e-kashmir phir sulaag uthi
Phir imteehan naya hai meray shehr ke liye
Unhe yeh umar andhairoun mein kaatni hogi
Jo muntazir hain kisi aur chaara gar ke liye
Ghareeb-e shehr tou har dam aseer hai uss ka
Jo chahye ussay apni guzar basar ke liye
Hamare shehr mein bonoun ki fasl ugti hai
Sou ser-o-qad hoon mein suqraat ke zeher ke liye
Millay gi taaqat-e-parwaaz tou fizaa se tujhay
Kyun intzaar mein hai aur baal-o-par ke liye
Taraash li hain naye manzilain to phir Fawad
Naya safeena banao, naye safar ke liye