کِسی کے ساتھ بھی اُسکا گذارا ہو نہیں سکتا

جو میرا ہو نہیں پایا تمہارا ہو نہیں سکتا

پرندے کر گئے ہجرت سبھی کیوں میری بستی سے

یہ فصلِ گُل کے آنے کا اشارا ہو نہیں سکتا

میں خود ہی تیر کر اُس سے بہت آگے نِکل آیا

دکھائی دے رہا تھا جو کنارا ہو نہیں سکتا

نہ ہو کچھ اور تو بدلے ذرا وہ بھی چلن اپنا

بس اِک عہدِ وفا کا تو سہارا ہو نہیں سکتا

اگر جاں بھی چلی جائے تو کیا غم کہ بہر صورت

حسؔن اُسکی محبت میں خسارا ہو نہیں سکتا

Kisi ke saath bhi uss ka guzara ho nahi sakta
Jo mera ho nahi paya, tumhara ho nahi sakta
Parinday kar gaye hijrat sabhi kyun meri basti se
Yeh fasl-e-gul ke aanay ka ishaara ho nahi sakta
Mein khud he tair kar uss se bahut aagay nikal aaya
Dikhai de raha tha jo, kinara ho nahi sakta
Na ho kuch aur tou badlay zara woh bhi chalan apna
Bas ik ehd-e-wafa ka tou sahara ho nahi sakta
Agar jaan bhi chali jaye tou kiya gham ke ba har soorat
Hasan uss ki mohabbat mein khasara ho nahi sakta