مجھے یقین کہ تو صاحبِ ہنر ہی نہیں

تجھے یہ زعم کوئی اور چارہ گر ہی نہیں

ہر ایک سمت کھڑی ہیں مہیب دیواریں

عجیب شہر ہے جس میں کوئی شجر ہی نہیں

امیر شہر کا مطمع حصولِ تختِ نگیں

غریب شہر کی لیکن گُزر بَسر ہی نہیں

کچھ اسطرح سے فریب اُسکا آشکار ہوا

کہ اس کی بات میں پہلا سا وہ اثر ہی نہیں

درست ہے کہ میں محصور ہوں پسِ دیوار

مگر یہ بات غَلَط ہے کہ میرے پر ہی نہیں

اگرچہ پھیلا ہے ہر سو یہ جبر کا موسم

بہار آ کے رہے گی انہیں خبر ہی نہیں

لکھے تو کون لکھے طرزِ جالب و شورش

جو سوچے وقت سے آگے وہ چارہ گر ہی نہیں

حسؔن فواد بنا ہے ضمیر کا قیدی

وہ قید جس سے کوئی صورتِ مُفر ہی نہیں

Mujhay yaqeen kai tou sahib-e-hunnar hee naheen
Tujhay yeh zoam koi aur chaara gar hee naheen
Har aik simt kharree hain moheeb deevaarain
Ajeeb shehar hai jis main koee shajjar hee naheen
Ameer shehar ka matmaa hussool-e-takht-e-nageen
Ghareeb-e-shehar kee lekin guzzar basar hee naheen
Kuch iss tarah sai faraib uss kaa aashkaar hoowa
Kay uss kee baat main pehla sa wo assar hee naheen
Durust hai kai main mahsoor houn pas-e-deewaar
Maggar yeh baat ghalat hai kai meray par hee naheen
Aggar chay phailaa hai har soo yeh jabr ka mausam
Bahaar aa kay rahay gee unhain khabar hee naheen
Likhay to koun likhay tarz-e-jalib-o-shorish
Jo sochay waqt sai agay wo chaara gar hee naheen Hasan Fawad banaa hai zameer ka qaidee
Wo qaid jiss sai koee soorat-e-muffar hee naheen