تری دُعا کا بھی جِس پہ اثر نہ ہو پائے

وہ زخم دے کہ کوئی چارہ گر نہ ہو پائے

ہمی سے رسم چلی شہر میں گواہی کی

مگر ہمی تھے کہ جو معتبر نہ ہو پائے

یہ میرے شہر پہ چھایا ہے کون سا آسیب

نِکل بھی آئے جو سورج، سحر نہ ہو پائے

جو تیرے عہد کی تکمیل کی شہادت تھے

وہ قافلے بھی مِرے ہم سفر نہ ہو پائے

امیرِ شہر تو سالوں کے زائچے دیکھے

غریبِ شہر کا دِن بھی بَسَرٌ نہ ہو پائے

تِرا وجود بدلتا ہے کیمیا اِس کی

جو تو نہ ہو یہ مکاں میرا گھر نہ ہو پائے

عجیب طرح سے اُگتے ہیں شہر میں پودے

یہ میرے گاؤں کا بوڑھا شجر نہ ہو پائے

ہمارے خون میں شامل ہے تجھ سے عہدِ وفا

جو لفظ تجھ کو لِکھے، بے اثر نہ ہو پائے

یہ سانحہ ہی بدل دے مِرے شہر کا مزاج

کہ شامِ گِریہ مِری بے ثمر نہ ہو پائے

بدل دئیے ہیں حسنؔ سرد موسموں نے مِزاج

بس ایک ہم ہیں کہ جو بے مہر نہ ہو پائے

Teri dua ka bhi jis pe assar na ho paye
Woh zakhm de ke koi chaara gar na ho paye
Hum he se rasm chali shehr mein gawaahi ki
Magar hum he thay ke jo moatabar na ho paye
Yeh meray shehr pe chaaya hai kon saa aasaib
Nikal bhi aye jo sooraj, sehar na ho paye
Jo teray ehed ki takmeel ki shahadat thay
Woh qaafley bhi meray hum safar na ho paye
Ameer-e-shehr tou saaloun ke zaiychay daikhay
Ghareeb-e-shehr ka din bhi basar na ho paye
Tera wujood badalta hai keemiya iss ki
Jo tou na ho yeh makaan mera ghar na ho paye
Ajeeb tarha se ugtay hain shehr mein pouday
Yeh meray gaoun ka boorrha shajjar na ho paye
Hamaray khoon mein shaamil hai tujh se ehd-e-wafa
Jo lafz tujh ko likhay, bay-assar na ho paye
Yeh saanihaa he badal de meray shehr ka mizaaj
Ke sham-e-giryaa meri bay samar na ho paye
Badal diye hain Hassan sard mausamoun nay mizaaj
Bas aik hum hain ke jo be mehar na ho paye