یہی وہ دِن تھا
جس دِن محتسب نے جال پھینکا تھا
مِری آنکھوں کے آگے لا کے
اِک تحریر رکھی تھی
مجھے بس اتنا کہنا تھا
کہ جو کچھ بھی لکھا تھا
بس وہی سچ ہے
مِرے کچھ چارہ گر سمجھا رہے تھے
اطاعت وقت کے حاکم کی واجب ہے
اگر میں نے نہ اُن کی بات مانی تو
مِرے ذِمےّ بہت سے ان کئیے اور ان سُنے
جرموں کا کھاتا کھولنا ہو گا
مجھے یہ سوچنا ہو گا کہ جس تحریر پر میں
دستخط کرنے کی حامی بھر نہیں پایا
میں جس الزام کو
اِک تیسرے کے نام آخر دھر نہیں پایا
وہ میرا جُرم ٹھہرے گا
فرشتے عرش سے اُتریں گے
فردِ جُرم کے حق میں گواہی لے کے آئیں گے
تمہارے عِلم میں ہو گا
ہمارے شہر کا قانون ہر ایسی گواہی کو
بِلا چُون و چراں منظور کرتا ہے
وہ اِتنے معتبر ہیں کہ
کوئی اُن کی گواہی پر
جرح بھی کر نہیں سکتا
میں چاہے لاکھ جُھٹلاؤں
دلیلیں دوں، شواہد لے بھی آؤں
بس اُن سب کا کہا ہر لفظ ہی
دستور ٹھہرے گا
مِرے مُنصف کو بھائے گا
وہی منظور ٹھہرے گا
میں لمحہ بھر ٹھتک کر رہ گیا تھا
مری آنکھوں کے آگے
سبھی پیاروں کے چہرے آ گئے تھے
مگر پھر دور سے آواز اِک آتی سُنائی دی
یہی وہ کربلا ہے
جس کو تم مدت سے
تحریروں میں لِکھتے آ رہے ہو
یہی وہ معرکہْ حق و باطل ہے
یہی وہ اِک گھٹری، وہ ایک ساعت ہے
جہاں انسان کی پہچان ہوتی ہے
سو اب یہ فیصلے کی اِک گھٹری
تم تک بھی آپہنچی
تو اب یہ فیصلہ تم نے ہی کرنا ہے
تمہیں اِک عمر بھر آسودگی سے زندہ رہنا ہے یا پھر
امامِ کربلا کے قافلے کے ساتھ چلنا ہے
سو میں نے ایک لمحے میں ہی
اپنا فیصلہ اُن کو سُنا ڈالا
مجھے ربِّ مکان و لامکاں نے
سچ کی حُرمت کو بچانے کا
فریضہ سونپ رکھا ہے
میں اُن کے جُرم میں کوئی اِعانت کر نہیں سکتا
مجھے تاریخ کے اوراق میں ہی
زندہ رہنا ہے
میں اپنے آپ کو برباد کر کے
مر نہیں سکتا

Yahi woh din tha
Jis din Muhtasib ne jaal phenka tha
Meri aankhon ke agay laa ke
Ik tehreer rakhi thi
Mujhe bas itna kehna tha
Ke jo kuch bhi likha tha
Bas wohi sach hai
Mere kuch chara gar samjha rahay thay
Itaat waqt ke haakim ki wajib hai
Agar main ne na unn ki baat maani to
Mere zimmay bohat se un kiye aur un sunay
Jurmon ka khata kholna ho ga
Mujhe yeh sochna ho ga ke jis tehreer par main
Dastakhat karne ki haami bhar nahi paaya
Main jis ilzaam ko
Ik teesray ke naam aakhir dhar nahi paaya
Woh mera juram thehray ga
Farishtay arash se utrain ge
Fard-e-juram ke haq mein gawahi le ke ayen ge
Tumharay ilam mein ho ga
Hamaray shehar ka qanoon har aesi gawahi ko
Bila choon-o-charan manzoor karta hai
Woh itnay mooatbar hain ke
Koi unn ki gawahi par
Jirah bhi kar nahi sakta
Main chahay laakh juthlaoun
Daleelen doun, shawahid le bhi aon
Bas unn sab ka kaha har lafaz hi
Dastoor thehray ga
Meray munsaf ko bhaye ga
Wohi Manzoor thehray ga
Main lamha bhar thithak kar reh gaya tha
Meri aankhon ke agay
Sabhi pyaron ke chehray aa gaye thay
Magar phir door se awaaz ik aati sunaee di
Yahi woh karbalaa hai
Jis ko tum muddat se
Tehreeron mein likhte aa rahay ho
Yahi woh marka-e-haq-o-baatil hai
Yahi woh ik ghari, wo aik saaat hai
Jahan insaan ki pehchan hoti hai
So ab yeh faislay ki ik ghari
Tum taq bhi aa pohnchi
To ab yeh faisla tum ne hi karna hai
Tumhen ik umar bhar aasoodgi se zinda rehna hai ya phir
Imam-e-karbalaa ke qaaflay ke sath chalna hai
So main ne aik lamhay mein hee
Apna faisla unn ko suna dala
Mujhe Rab-e-makaan-o-la makaan ne
Sach ki hurmat ko bachanay ka
Fareeza saomp rakha hai
Main unn ke juram mein koi eyanat kar nahi sakta
Mujhe tareekh ke ouraak mein hi
Zinda rehna hai
Main apne aap ko barbaad kar ke
Mar nahi sakta