کئی دنوں سے دل و ذہن پہ
عجیب سی کیفیت ہے طاری
کئی دنوں سے
تِری جُدائی کا خوف آنکھوں میں آبسا ہے
تِری جُدائی جو آج تک تو
محض ذہن کی تخیلّاتی حدود ں کے اندر کا ماجر۱ ہے
جو سوچ کی بے جواز لہروں کا سلسلہ ہے
خیال کی بے وجہہ اڑانوں کا آئینہ ہے
جو آج تک تو، پہ کون جانے
کہ آنے والے دنوں میں یہ بے جواز سوچیں
خیال کی بے وجہہ اڑانیں
حقیقتوں کا لباس اوڑ ھے
میری نظر کے ہر ایک خُلیے میں آبسیں گی
تیری جدائی خیالوں خوابوں کی سیڑھیوں سے
حقیقتوں کے مہیب آنگن میں آرُکے گی
مری تمنا کے زرد پتوں پہ پاوُں رکھ کے
کوئی تری سب بہار صورت
مرے خیالوں کی وسعتوں سے نکال دے گا
تو میری سوچوں کی سبز ٹہنی پہ
کوئی پتہ نہ اُگ سکے گا
خزاں، مسلسل خزاں
مقدر بنے گی میرا
تو تب جُدائی
خیال کی بے وجہ اُڑانوں کا آئینہ تو نہیں رہے گی
یہ سوچ کی بے جواز لہروں کا سلسلہ تو نہیں رہے گی
سوتب جُدائی
حقیقتوں کا نشان ہو گی
تو کیا یہ سچ ہے
کہ آنے والی حقیقتوں سے
کئی دنوں سے دِل و ذہن پہ عجیب سی کیفیت ہے طاری
کئی دنوں سے تیری جدائی کا خوف آنکھوں میں آ بسا ہے۔

Kaiee dinoun se dil-o-zehan pe
Ajeeb si kaifiyat hai tari
Kaiee dinoun se
Teri judai ka khauf aankhon mein aa basa hai
Teri judai jo aaj tak tou

Mehez zehan ki takhaliyati hudoun ke andar ka maajra hai
Jo soch ki bay-jawaaz lehron ka silsila hai
Khayal ki bay-wajah urranoun ka aaaina hai
Jo aaj tak tou, peh kon janay
Ke aanay walay dinoun mein yeh bay-jawaaz sochain
Khayal ki bay-wajah ourranain
Haqeeqaton ka libaas orrhay
Meri nazar ke har aik khulyay mein aa basein gi
Teri judai khayaloun khwaboun ki seehriyon se
Haqeeqaton ke moheeb aangan mein aa rukain gi
Meri tamanna ke zard pattoun pay paoun rakh ke
Koi teri sab bahaar soorat
Meray khayaloun ki vussatoun se nikaal de ga
Tou meri sochoun ki sabz tehnee pe
Koi pat’ta na ugg sakay ga
Khizaan, musalsal khizaan
Muqaddar banay gi mera
Tou tab judai
Khayal ki bay-wajah urranoun ka aaina tou nahi rahay gi
Yeh soch ki bay-jawaz lehron ka silsila tou nahi rahay gi

Sou tab judaai
Haqeeqaton ka nishaan ho gi
Tou kiya yeh sach hai
Ke aanay wali haqeeqatoun se
Kaiee dinoun se dil-o-zehan pay ajeeb si kaifiyat hai taari
Kaiee dinoun se teri judai ka khauf aankhon mein aa basa hai