زخمِ وفا و داغِ تمنا لئے ہوئے

آیا ہوں تیرے پاس میں کیا کیا لیے ہوئے

ہر راہ گزر سے تیرا پتہ پوچھتا پھروں

ڈھونڈوں چراغِ نقشِ کفِ پا لئے ہوئے

جس کی شبوں سے تو نے دیئے تک چُرا لئے

اب اُس کو ڈھونڈ چاند سا چہرہ لئے ہوئے

ترکِ وفا پہ ضد ہے تو اچھا یونہی سہی

تجھ سے ملوں گا پھر کوئی تُجھ سا لئے ہوئے

محوِ طوافِ کوئے حرم ہے ہر ایک شخص

اپنے ہی دِل میں اپنا کلیسا لئے ہوئے

فّواد پھر چلا ہوں کسی کی تلاش میں

میں اپنے ساتھ اپنا ہی سایا لئے ہوئے

Zakhm-e-wafa-o-daagh-e-tamanna liye huye
Aaya hoon teray paas mein kiya kiya liye huye
Har raah guzar se tera pata puchta phiroun
Dhoondoun charagh-e-naqsh-e-kaf-e-paa liye huye
Jis ki shaboun se tu nay diye tak churaa liye
Ab uss ko dhoond chaand sa chehra liye huye
Tark-e-wafa pe zidd hai to acha younhi sahe
Tujh se miloun ga phir koi tujh sa liye huye
Mehv-e-tawaf-e-koy-e-haram hai har aik shakhs
Apnay he dil mein apna kaleesa liye huye
Fawad phir chala hoon kisi ki talaash mein
Mein apnay saath apna he sayaa liye huye