مرے ہمسائے کے گھر ميں
کئی برسوں سے قتل وخون جاری ہے
کبھی دريا ئے آمو کے پر ے سے
بپھرتا ریچھ اُن کو
اشتراکيت سکھانے آ رہا تھا
کبھی اِس ارضِ ربّی کا خدائے بے مِثل
اُنہيں جمہور کے دھوکے ميں رکھ کر
جبر واستبداد کا اک باب لکھتا جا رہا تھا
اور کبھی وہ خود خدا کے نام پر
اک دوسرے کی گردنوں کو کاٹ کر
اپنی ولايت کے لئے پیغام بر تھے
کہيں پہ رقصِ بسمل تھا
کہيں پہ چوک چوہراہوں پہ
ہفتوں اور مہينوں تک لٹکتے بے کفن لاشے
خدا کے نام پر پھیلائی دہشت، بربريت اور ظلمت کو
نئی ترتيب ديتے تھے

اور اب پھر انقلابِ نو کے چرچے ہيں
نئی صف بندياں ہيں
اور پھر سے
خدا کے نام پر ہی
سبھی لوگوں سے بيعت کا تقاضہ ہے
يہ سب شايد جہانگيری جہانبانی
کا حصہ ہے مگر پھر بھی
خدا کو پوجنے والو
نبؐی کو ماننے والو
جہانگيری جہانبانی کے سب رستوں پہ
انصارِ مدينہ کا ہی نقشِ اوّليں ہے
فتح، نصرت ، ولايت اور خلافت کے سبھی رستے
فتحِ مکّہ کے اعلانِ معافی سے نکلتے ہيں
کسی کو زورِ بازو سے
کسی بندوق اور بارود کے ڈر سے
کبھی نہ زير کرنا
گُناہ سے روکنے والوں پہ لازم ہے
کہ وہ خود اسوۂ حسنہ کے پیروکار ہوں

نئے اسلوب اور آئين کو لکھنے لگو تو پھر
ذرا اقبال کو بھی ياد کر لينا
وہ مردِ سادہ و درويش جس کو
خدا کے نام ليواؤں سے بس اک خاص نسبت تھی
جسے افغانيوں کے خوں کی حدّت سے محبت تھی
جو کہتا تھا کہ اٹھے وہ اگر ناحق
تو ہو شمشير بھی فتنہ
فقط شمشير ہی کيا
نعرہ تکبير بھی فتنہ
سو اتنا ياد رکھنا
تم اب اس نوعِ انسانی کا حصہ ہو
سو جو کچھ بھی کہو گے اور کرو گے
وہی اس عہد کی تاريخ ہو گی
تمہارے اور ميرے دیں کی دُنيا کے لئے
تصوير ہو گی

Meray hamsaye ke ghar mein
Kayee barson se qatal-o-khoon jari hai
Kabhi darya-e-amou ke paray se
Bipharta reech un ko
Ishtirakiat sikahnay aa raha tha
Kabhi iss arz-e-rabbi ka
Khuday-e-bay-misaal
Unhain jamhoor ke dhokay mein rakh kar
Jabar-o-astbdad ka ik baab likhta ja raha tha
Aur kabhi wo khud khuda ke naam par
Ik dosray ki gardanoun ko kaat kar
Apni wilayat ke liye paigham bar thay
Kaheen pay raqs-e-bismil tha
Kaheen par chowk chourahoun pay
Hafton aur mahinoun tak lataktay bay kafan lashain
Khuda ke naam par phailai dehshat, barbarriat aur zulmat ko
Nai tarteeb daitay thay

Aur ab phir inqilabay-e-nou kay charchay hain
Naee saf-bandiyaan hain
Aur phir se
Khuda ke naam par hi
Sabhi logon se bayyat ka taqaza hai
Yeh sab shayad jahangeeri jhanbani
Ka hissa hai magar phir bhee
Khuda ko poojnay waloun
Nabi ko maan nay waloun
Jahangeeri jahanbani ke sab rustoon pay
Ansar madinah ka hi naqash-e-awaleen hai
Fatah, nusrat, wilayat aur khilafat ke sabhi raste
Fath-e-Makkah ke ailaan-e- muaafee se nikaltay hain
Kisi ko zor-e-baazu se
Kisi bandooq aur barood kai dar se
Kabhi na zair karna
Gunnah se roknay walon pay lazim hai
Ke woh khud uswah-e-husna ke pairokaar houn

Naye usloob aur aaeen ko likhnay lagoun to phir
Zara Iqbal ko bhi yaad kar lena
Woh mardِ-e-saada-o-darwaish jis ko
Khuda ke naam laiqaoun se bas ik khaas nisbat thi
Jisay afghanioun ke khoun ki hiddat se mohabbat thi
Jo kehta tha kay utthay wo agar na-haq
Tou ho shamsheer bhee fitna
Faqat shamsheer he kiya
Naara-e-takbeer bhi fitna
So itna yaad rakhna
Tum abb iss nou-e-insaani ka hissa ho
So jo kuch bhee kaho gay aur karo gay
Wohee iss ehad kee tareekh ho gi
Tumharay aur mairay deen ki duniya kay liyay
Tasweer ho gi