ہمارے دم سے ہے اب آبروئے دار و رسن

ہمارے حرف ہیں آبِ حیاتِ شعر و سُخن

ہمارے نام سے ہے حرمتِ شبِ زنداں

ہماری سانس سے بادِ نسیمِ صُبحِ جواں

جواں ہے عزم بھی، تارِ نفس بھی ہم سے ہے

یہ ساری رونقِ کُنجِ قفس بھی ہم سے ہے

تو محوِ سیِر چمن، تری قید میں میں ہوں

تو محوِ شعروسُخن، تری قید میں میں ہوں

تجھے یہ دُھن کہ امیرِ شہر بنے پھر سے

مجھے یہ ضد کہ غریبِ شہر کی بات بنے

تجھے جنوں کہ ترے نام سے ہو صُبح آغاز

مجھے یہ فکر غریبِ شہر کی رات کٹے

تو سر کشیدہ نہیں ہے مرے جنوں کے طفیل

تو پابریدہ نہیں ہے، مرے جنوں کے طفیل

دہن دریدہ نہیں ہے، مرے جنوں کے طفیل

ستم رسیدہ نہیں ہے ، مرے جنوں کے طفیل

میں تیرے صحنِ چمن کو نکھار بیٹھا ہوں

جو قرض تجھ پہ تھے واجب اُتار بیٹھا ہوں

تو جانتا ہے مرے خواب تو نے لُوٹے ہیں

تجھے خبر ہے ترے حرف سارے جھوٹے ہیں

تو محوِ سود و زیاں خلق اِک عذاب میں ہے

لُٹا کے عزمِ سفر تو نئے سراب میں ہے

جنوں کا دعویٰ بھی جھوٹا وسیب ہے تیرا

یہ پارسائی بھی تیری فریب ہے تیرا

Hamare dum se hai ab abroo-e-daar-o-rassan
Hamare harf hain aab-e-hayaat-e-shair-o-sukhan
Hamare naam se hai hurmat-e-shab-e-zindaan
Hamari saans se baad-e-naseem-e-subh jawaan

Jawaan hai azm bhi, taar-e-nfas bhi hum se hai
Yeh sari rounaq-e-kunj-e-qafas bhi hum se hai

Tu mehv-e-sair-e-chaman, teri qaid mein mai hoon
Tou mehv-e-shair-o-sukhan, teri qaid mein mai hoon
Tujhay yeh dhunn ke ameer-e-shehr banay phir se
Mujhe yeh zidd ke ghareeb-e-shehr ki baat banay

Tujhay junoon ke teray naam se ho subh-e-aaghaz
Mujhe yeh fikr ghareeb-e-shehr ki raat katay

Tu sar kasheeda nahi hai meray junoon ke tufail
Tu paa bareeda nahi hai, meray junoon ke tufail
Dehan dareeda nahi hai, meray junoon ke tufail
Sitam raseeda nahi hai, meray junoon ke tufail

Mein teray sehan-e-chaman ko nikhaar baitha hoon
Jo karz tujh pe thay wajib, utaar baitha hoon

Tu janta hai meray khawaab tu nay lootay hain
Tujhay khabar hai teray lafz saray jhootay hain
Tu mehv-e-sood-o-ziyaan khalq ik azaab mein hai
Lutaa ke azm-e-safar tu naye saraab mein hai

Junoon ka daawa bhi jhoota wasaib hai tera
Yeh paarsai teri bhi, faraib hai tera