حصارِ وقت سے آگے نِکل گیا ہوگا

ہمارے بعد زمانہ بدل گیا ہو گا

جہاں پہ صاحبِ انصاف جھوٹ بولتے ہوں

وہ شہر موت کے سانچے میں ڈھل گیا ہوگا

جب ایک لمحے کی مہلت اُسے ملی ہوگی

امیرِ شہر نئی چال چل گیا ہوگا

ہمارے دم سے تھی آوارگی نصیب اُسے

جو ہم نہیں تو وہ کتنا سنبھل گیا ہوگا

سمائی ہو گی جو آنکھوں میں اُس بدن کی تراش

ہر ایک اُسکے ہی سانچے میں ڈھل گیا ہوگا

جب اُسکے سارے پیادے گھروں کو جا پہنچے

تو چال بھی تو وہ شاطر ہی چل گیا ہوگا

فؔواد شہرِ وفا نے بدل لیا ہے چلن

سو کیا عجب ہے کہ وہ بھی بدل گیا ہوگا

Hisaar-e-waqt say agay nikal gaya ho gaa
Hamaray baad zamana badal gaya ho ga
Jahaan pai sahib-e-insaaf jhoot boltay houn
Woh shehar mout kay saanchay main dhall gaya ho gaa
Jab aik lamhay kee mohlat ussay milee ho gi
Ameer-e-shehar naiee chaal chal gaya ho gaa
Hamaray dam say thi awaargee naseeb ussay
Jo hum naheen tou woh kitna sambhal gaya ho gaa
Samaiee ho gee jo aankhoun main uss badan kee taraash
Har aik uss kay hee sanchay mein dhall gaya ho gaa
Jab uss kay saaray piyadaay gharoun ko ja pohnchay
Tou chaal bhee tou wo shatir hee chal gaya ho gaa
Fawad sheher-e-wafaa nai badal liya hai chalan
So kiya ajab hai kay wo bhi badal gaya ho gaa