جو بھی رشتہ تھا کِسی سے اُسے توڑا صاحب

اِس محبت نے کہیں کا نہیں چھوڑا صاحب

مائلِ جود و کرم تھا دِلِ یاراں جِس دِن

عین دروازے سے ہم نے اُسے موڑا صاحب

پہلے اِک سیمیں بدن دِل میں اُتارا اور پھر

کِس صنم خانے میں لا کر ہمیں چھوڑا صاحب

خواب کا ربط حقیقت سے بناتے کیسے

ہم نے ہر لمحے کو اُس لمحے سے جوڑا صاحب

شہر کا شہر جلانے کو چلا آیا جسے

ہر طرف جان بچانے کو وہ دوڑا صاحب

ہم پیادوں کو بھلا کون بچا سکتا تھا

اُسکی تلوار بھی تھی اُسکا تھا گھوڑا صاحب

کٹ گئی عمر نبھانے میں جِسے جانِ حسنؔ

اُس تعلق کو کہاں آن کے توڑا صاحب

Jo bhi rishta tha kisi se ussay tora sahib
Iss mohabbat ne kahin ka nahin chorra sahib
Maail-e-jood-o-karam tha dil-e-yaran jiss din
Ain darwazay se hum ne ussay morra sahib
Pehlay ik Seemeen badan dil mein utaara aur phir
Kis sanam khanay mein laa kar hamein chorra sahib
Khawab ka rabt haqeeqat se banatay kaisay
Hum ne har lamhay ko uss lamhay se jora sahib
Shehar ka shehar jalanay ko chala aaya jisay
Har taraf jaan bachanay ko wo daora sahib
Hum piyaadon ko bhala kon bacha sakta tha
Uss kee talwaar bhi thi uss kaa tha ghora sahib
Kat gayi umar nibhanay mein jisse Jaan-e-Hasan
Uss talluq ko kahan aan ke tora sahib