کچھ دنوں تک یہ بھی اندازِ صبا ہو جائے گا

خار بھی گل کی طرح خونیں قبا ہو جائے گا

وہ سنا ہے مائلِ ترکِ جفا ہو جائے گا

ہم نہیں ہوں گے مگر سب کا بھلا ہو جائے گا

اِک یہی ڈر ہے کہ جب تم سے شناسائی ہوئی

دوست دشمن، آشنا نا آشنا ہو جائے گا

چھوٹے چھوٹے آنگنوں میں چاندنی اترے گی کیا

ہاں امیرِ شہرِ کا گھر چاند سا ہو جائے گا

اب تو جو بھی پیرویٔ شیوۂ رہزن کرے

ایک دن وہ بھی یقیناً راہنما ہو جائے گا

گھر کے دروازوں پہ دستک دے رہے ہیں حادثے

ایک لمحے میں نہ جانے کیا سے کیا ہو جائے گا

کِسں طرح پہنچے گا کوئی منزلِ جاناں تلک

ہر مسافر محوِ حُسنِ نقشِ پا ہو جائے گا

گر یہی بیتابیٔ دِل ہے تو اے فوّادؔ پھر

زندگی کا قرض صبح تک ادا ہو جائے گا

Kuch dinon tak yeh bhi andaaz-e-saba ho jaye ga
Khaar bhi gul ki tarah khonee qabaa ho jaye ga
Woh suna hai maiel-e-tark-e-jafa ho jaye ga
Hum nahi hoon gay magar sab ka bhalaa ho jaye ga
Ik yehi dar hai ke jab tum se shanasai hui
Dost dushman, aashana na aashana ho jaye ga
Chotay chotay aanganoun mein chandni utray gi kiya
Haan ameer-e-shehr ka ghar chaand sa ho jaye ga
Ab tou jo bhi pairvi-e-shewa-e-rehzan kare
Aik din woh bhi yaqeenan rehnuma ho jaye ga
Ghar ke darwazoun pe dastak de rahay hain hadsay
Aik lamhay mein na janay kiya se kiya ho jaye ga
Kis tarha pohnchay ga koi manzal-e-jaana talak
Har musafir mehv-e-husn-e-naqsh-e-paa ho jaye ga
Gar yehi betabi-e-dil hai to aye Fawad phir
Zindagi ka qarz subah tak adaa ho jaye ga