سو تم یہ سوچتے ہو کہ
اگر تم میرے اس فانی بدن کو
میرے لوگوں، میرے بچوں کی
آنکھوں سے پرے جا کر
کہیں پر دفن کر دو گے
تووادی میں سلگتی آگ
اور آنکھوں میں لو دیتے چراغوں کو
بجھانے میں تمہیں آسانیاں ہوں گی

سو تم یہ سوچتے ہو کہ
شجاعت، حریت اور جراتوں کی داستانیں
جواں جذبے ، جواں سوچیں
ہر اک دل میں چھپی اک جستجو آزاد ہونے کی
مِری مرہونِ منت ہے
مری آنکھوں کے بند ہونے سے یہ سب
خوابِ ماضی کی طرح متروک ٹھہرے گا
تمہارے پنجہ خونیں میں جکڑی یہ حسیں وادی
یہ جھیلیں، بستیاں، کوہسار، جھرنے
سبھی محصور ٹھہریں گے

تمہارا سوچنا اپنی جگہ ہے
کہ ظالم اور جابر حکمراں
ایسا ہمیشہ سوچتے ہیں
مگر تاریخ انسانی کی بوسیدہ کتانیں
تمہارے جیسے لاکھوں حکمرانوں کے
مقابرپر سجی وہ تختیاں کچھ اور کہتی ہیں
دلوں پر حکمرانی جبرو ظلمت سے نہیں ہوتی
دلوں میں جب کبھی اک جوت آزادی کی
بُکّل مار لیتی ہے
تو فوجیں اور سنگینیں کسی بھی طور
پھر ان کو مسخر کر نہیں سکتیں
بہاریں اک نہ اک دن آ کے رہتی ہیں
کہ فصلِ گُل کی خوشبو
اونچی باڑوں سے نہیں رکتی
ہوائیں سب قبیلوں ، بند دروازوں کا
زندانوں کا جادو توڑ دیتی ہیں
دہائیوں اور صدیوں پر محیط عہد غلامی بھی
بہت پیچھے کہیں پہ چھوڑ دیتی ہیں

تمہیں حق ہے کہ تم جو چاہو سوچو
مگر یہ یاد رکھنا
مرا گمنام مرقد ہی
نئی تحریک آزادی کو لو دے گا
یہی تحریک ہوگی جو تمہیں مجبور کر دے گی
یہ جھیلیں ، یہ شجر، کوہسار، جھرنے، وادیاں ساری
تمہارے جبر و ظلمت کی حدوں سے
دور کر دے گی

So tum yeh sochte ho ke
Agar tum mere is faani badan ko
Mere logon, mere bachon ki
Aankhon se paray ja kar
Kahin par dafn kar do ge
Tu wadi mein sulagti aag
Aur aankhon mein lou dete charaghoon ko
Bhujanay mein tumhe aasaniyan hon gi

So tum yeh sochte ho ke
Shujaiat, hurriyaat aur Jurratoun ki dastaanain
Jawaan jazbay, jawaan sochen
Har ik dil mein chhupi ik justojoo azad honay ki
Meri marhone minnat hai
Meri aankhon ke band honay se yeh sab
Khuwab-e-maazi ki tarha matrooq thehray ga
Tumahray panja-e-khoneen mein jakri yeh hsin waadi
Yeh jheelain, bastiyan, kohsar, jharney
Sabhi mehsoor thehrain ge

Tumhara sochna apni jagah hai
Ke zalim aur jabir hukmaraan
Aisa hamesha sochte hain
Magar tareekh insani ki boseedah kitabain
Tumahray jaisay lakhoon hukmraanon ke
Maqabar per saji woh tkhtyan kuch aur kehti hain
Dilon par hukmarani Jabr -o- zulmat se nahi hoti
Dilon mein jab kabhi ik jot azadi ki
Bukkal maar laytee hai
To faujein aur Sangeenien kisi bhi tor
Phir un ko maskhar kar nahi sakteen
Baharen ik nah ik din aa ke rehti hain
Ke fasal gُl ki khushbu
Oonchee barroun se nahi rukti
Hawae sab qabeelon, band darwazon ka
Zindaanon ka jadu toar deti hain
Dahaiyo aur sadiiyon par muheet Eid-e- ghulami bhi
Bohat peechay kahin pay chore deti hain

Tumhe haq hai ke tum jo chaho socho
Magar yeh yaad rakhna
Mera gumnaam marqad hi
Nai tehreek azadi ko lou dai ga
Yahi tehreek hogi jo tumhe majboor kar dai gi
Yeh jheelain, yeh shajjar , kohsar, jharney, wadiyaan saari
Tumahray jabr-o-zulmat ki hadoun se
Dour kar day gee