میں تِرے ترک مراسم پہ بھی ناشاد نہیں

پست سوچیں مِرے افکار کی بنیاد نہیں

دشتِ پُر خار کِسی قیس کا رستہ دیکھے

سر بہ زانو ہیں چٹانیں کوئی فرہاد نہیں

بارہا سوچا ہے تُجھ سا کوئی تخلیق کروں

دِل سے پوچھا ہے تو وہ مائلِ ایجاد نہیں

آئینہ خانوں میں پتھر کے صنم بیٹھے ہیں

کون کہتا ہے کہ اِس شہر پہ اُفتاد نہیں

کیسی دہشت ہے کہ پھر چپ سی لگی ہے سب کو

اب تو زنداں میں بھی ہنگامئہ فریاد نہیں

لوگ کہتے ہیں کہ اُسکو بھی سُنانے جاؤں

اتنی ارزاں تو مِرے عشق کی رواداد نہیں

مُنصِفِ وقت ہی محبوس نہیں ہے یارو

پابہ جولاں ہیں سبھی کوئی بھی آزاد نہیں

اس قدر رات گئے دِل پہ یوں دستک سی نہ دو

تم نے جس شخص کو چاہا ہے وہ فوّاد نہیں

Mein teray tark-e-marasam pe bhi naashaad nahi
Past sochain meray afkaar ki bunyaad nahi
Dasht-e-pur khaar kisi qais ka rastaa daikhay
Sar-e-baa zaanoun hain chataanain koi farhaad nahi
Baar’haa socha hai tujh sa koi takhleeq karu
Dil se poocha hai tou woh mail-e-eejad nahi
Aainaa khaano mein pathar ke sanam baithay hain
Kon kehta hai ke iss shehr pe iftaad nahi
Kaisi dehshat hai ke phir chup si lagi hai sab ko
Ab tou zindaan mein bhi hangaama-e-faryaad nahi
Log kehtay hain ke uss ko bhi suna’nay jaoun
Itni arzaan tou meray ishq ki rawadaad nahi
Munsif-e-waqt he mahboos nahi hai yaaro
Paa baa jo laan hain sabhi koi bhi azaad nahi
Iss qadar raat gaye dil pe youn dastak si na doun
Tum nai jis shakhs ko chaha hai woh Fawad nahi