میرا لہو جو صحنِ چمن میں بکھر گیا

ہر اِک اداس پھول کا چہرہ نکھر گیا

آنکھیں سلگ اٹھی ہیں کسی کے خیال میں

شامِ فراق تیرا مقدر سنور گیا

قدموں کی چاپ تھی کہ مرے دِل کی دھڑکنیں

جھونکا تھا یا ہوا کا کہ آیا، گزر گیا

اپنی گلی کے لوگ بھی انجان بن گئے

سب نے نگاہیں پھیر لیں میں جس کے گھر گیا

اِک یاد گار ہے رہِ جاناں کا ہر قدم

دیکھا جو کوئی نقشِ کفِ پا، ٹھہر گیا

میں آپ چل کے جاؤں کہ وہ خود بلائیں گے

اس کشمکش میں ایک زمانہ گزر گیا

ڈسنے لگی ہیں اسطرح تنہائیہاں مجھے

میں آج اپنے پاؤں کی آہٹ سے ڈر گیا

تاروں نے تان لی ہیں سیاہ رنگ چادریں

ظلمت میں خود کو ڈھونڈنے نورِ سحر گیا

لہروں کی کشمکش ہے نہ موجوں کو پیچ و خم

دریا شباب کا تھا کہ چڑھ کر اتر گیا

فوادؔ کیا کسی سے کہیں داستانِ غم

سینوں میں دل تو ہیں مگر احساس مر گیا

Mera lahu jo sehn-e-chaman mein bikhar gaya
Har ik udaas phool ka chehra nikhar gaya
Aankhen sulag uthi hain kisi ke khayal mein
Sham-e-firaaq tera muqadar sanwar gaya
Qadmon ki chaap thi ke meray dil ki dharkanain
Jhonka tha ya hawa ka ke aaya, guzar gaya
Apni gali ke log bhi anjaan ban gaye
Sab nay nigahen pher leen mein jis ke ghar gaya
Ik yaadgaar hai rah-e-jaana ka har qadam
Dekha jo koi naqsh-e-kaf-e-pa , thehr gaya
Mein aap chal ke jaoun ke woh khud bulain gay
Iss kashmakash mein aik zamana guzar gaya
Dasne lagi hain iss tarah tanhaayian mujhe
Mein aaj apnay paoun ki aahat se dar gaya
Taaron nay taan li hain siyaah rang chaadrain
Zulmat mein khud ko dhoondne noor-e-sehar gaya
Lehron ki kashmakash hai na moujoun ka paich-o-kham
Dariya shabaab ka tha ke charrh kar uttar gaya
Fawad kya kisi se kahain dastan-e-gham
Seenoun mein dil to hain magar ehsaas mar gaya