مزاجِ شہرِ ستم گو بدل نہیں سکتا

یہ ظلم و جبر کا موسم بھی چل نہیں سکتا

بدل بھی لوں میں اگر یہ مزاحمت کا مزاج

تو اُسکے موم کے سانچے میں ڈھل نہیں سکتا

وہ بے مہر تو ہے لیکن وفا شناس بھی ہے

سو پاس آئے نہ آئے، بدل نہیں سکتا

نجات موت سے کیسے کوئی بھلا پائے

وہ ایک لمحہ اٹل ہے جو ٹل نہیں سکتا

وصال و ہجر کے موسم بدلتے رہتے ہیں

میں عمر بھر تو انہی سے بہل نہیں سکتا

مرے نصیب میں لکھا ہے دائروں کا سفر

میں اِس حصار سے باہر نِکل نہیں سکتا

ہے ایک عمر سے خو شبو سفیر میری حسؔن

میں پھول پاؤں کے نیچے مسل نہیں سکتا

Mizaaj-e-shehr-e-sitam go badal nahi sakta
Yeh zulm-o-jabr ka mausam bhi chal nahi sakta
Badal bhi loun mein agar yeh mazaahmat ka mizaj
Tou uss ke moum ke sanchaay mein dhal nahi sakta
Woh bay-mehar tou hai lekin wafa shanaas bhi hai
So paas aye na aye, badal nahi sakta
Nijaat mout se kesay koi bhala paye
Woh aik lamha attal hai jo tal nahi sakta
Wisaal-o-hijr ke mausam badaltay rehtay hain
Mein umar bhar tou inhe se behal nahi sakta
Meray naseeb mein likha hai dairoun ka safar
Mein iss hisaar se bahir nikal nahi sakta
Hai aik umar se khushbo safeer meri Hasan
Mein phool paoun ke neechay massal nahi sakta