یہ دِل کا درد مرِا گر جو عام ہو جائے

تمام شہر نبؐی کا غُلام ہو جائے

حضورؐ آپ کی نسبت اگر میّسر ہو

زمانے بھر میں ہمارا بھی نام ہو جائے

کروں میں کلمۂ توحید سے سحر آغاز

شہادتِ شہِ مُرسل پہ شام ہو جائے

نظر پڑے جو شہِ مجتبیٰؐ کی ذرّے پر

وہ مہر و ماہ سے بھی ہم کلام ہو جائے

مِلے جو خاکِ مدینہ، سجاؤں پلکوں پہ

افق کے پار ہے جو زیرِ بام ہو جائے

زمانہ بھر چلا آتا ہے آپؐ کے در پہ

ہمیں بُلانے کا بھی کچھ اہتمام ہو جائے

درِ نبی پہ بُلاوہ تو آپؐ ہی دیں گے

جو ہو اشارہ، روانہ غُلام ہو جائے

جو وقت آئے شفاعت کا یا رسول ۱للہﷺ

ہمارا نام بھی حُسنِ کلام ہو جائے

لپٹ سکوں جو میں روزے کی جالیوں سے حؔسن

مجھے یقین ہے میرا تو کام ہو جائے

Yeh dil ka dard mira gar jo aam ho jaye
Tamam sheher nabi (S.A.W) ka ghulaam ho jaye
Huzoor aap ke nisbat agar muyassar ho
Zamanay bhar mein hamara bhi naam ho jaye
Karun mein kalma-e-touheed se sehar aaghaz
Shahadat-e-Sheh-e-mursal pay shaam ho jaye
Nazar parray jo sheh-e-mujtubaa ki zarray par
Woh mehr-o-mah se bhi hum kalaam ho jaye
Millay jo khak-e-madinah sajaaoun palkon pay
Uffaq ke paar hai jo zair-e-baam ho jaye
Zamana bhar chala aata hai aap ke dar pe
Hume bulanay ka kuch ihtimaam ho jaye
Dar-e-nabi (S.A.W) pay bulavaa tou aap he dain gay
Jo ho ishaara, rawaana ghulam ho jaye
Jo waqt aeye shafaat ka ya Rasool-Allah (S.A.W)
Hamaara naam bhi husn-e-kalaam ho jaye
Lippat sakoun jo mein rozay ki jalyoun se Hasan
Mujhey yaqeen hai mera to kaam ho jaye