مرے پچھتر برس میں بچوّ
میرے لیے تم نے کیا کِیا ہے
مجھے بھی چھوڑو، خود اپنا سوچو
وہ کون ہیں جن کو ساتھ تم لے کے چل رہے ہو
وہ کون تھے جن کو تم نے رستے میں کھو دیاہے
خمیر میرا تمہارے پُرکھوں کی
سوچ میں ہی گُندھا ہوا ہے
وجود میرا تمہارے اجداد کے لہو سے
دُھلا ہوا ہے
تمہارے دامن مری صداقت سے معتبر ہیں
تمہاری آنکھوں میں میرے سورج کی روشنی ہے
میری جبیں پہ ہی
آنے والی تمہاری نسلوں کی رفعتوں کا
تمام نقشہ سجا ہوا ہے
میں اُس یقیں کا ہوں ایک مظہر
کہ خاک و خُوں کے ہزار دریا بھی سامنے ہوں
تو منزلوں کی لگن سے آخر میں مات
اُن کے نصیب میں ہے

مگر یہ کیا ہے
کہ تم نے ساری صداقتوں کو
بُھلا دیا ہے
بس اپنی خواہش کے خواب گھر کو ہی
اپنی منزل بنا لیا ہے
کہیں پہ جمہور قید میں ہے
کہیں پہ انصاف پا بہ جولاں
کہیں پہ حاکم کو بس حکومت پہ ہے بھروسہ
کہیں پہ مُنصف کو اپنی توقیر کی تمناّ
کہیں پہ نامِ خُدا کا سودا
کہیں رسولِ (ﷺ) خُدا کی حرمت کے نام پہ
بے گُناہ لوگوں کا خونِ ناحق
کہیں پہ راہبر بنے ہیں راہزن
کہیں پہ مزدور کی کمائی پہ قدغنیں ہیں
کہیں ریاست کی ساری دولت پہ کُچھ گھرانوں کا ایسا قبضہ
کہ ہر کسی کی بقاءبھی
اُن کی دستِ غرور میں ہے

یہ سب تمہارا چلن ہے اب تو
اور اُس پہ دعویٰ کہ تم یہ سب کُچھ
مرے لئے ہی تو کر رہے ہو
عجیب سی ہے یہ خود فریبی
عجیب تر ہے یہ کم نگاہی
بس ایک لمحے کو اِ تنا سوچو
وجود میرا ہے جس کے باعث
تم آج دُنیا میں شادماں ہو
یہ مُعجزہ بھی ہے مُجھ سے مُعجز
کہ آج تم میرِ کارواں ہو
بس ایک لمحے کو اتنا سوچو
جو میں نہیں ہوں تو تم کہاں ہو

Mere pachatar baras mein bachou
Mere liay tum nain kia kiya hai
Mujhay bhi choro, khud apna socho
Woh kon hain jin ko sath tum le ke chal rahay ho
Woh kon thay jin ko tum ne raste mein kho diya hai
Khameer mera tumahray Purkhon ki
Soch mein hi gundha howa hai
Wajood mera tumahray ajdaad ke lahoo se
Dhula huwa haay
Tumahray daman meri sadaqat se mootbar hain
Tumhari aankhon mein meray sooraj ki roshni hai
Meri jabeen pay hi
Anay wali tumhari naslon ki rifatoon ka
Tamam naqsha saja huwa haay
Mein uss yaqeen ka hon aik mazhar
Ke khak-o-khoun ke hazaar darya bhi samnay hon
To manziloun ki lagan se aakhir mein maat
Unn ke naseeb mein haay

Magar yeh kya hai
Ke tum ne saari sadaqaton ko
Buhla diya hai
Bas apni khwahish ke khawab ghar ko hi
Apni manzil bana liya hai
Kahin pay jamhoor qaid mein hai
kahin pay insaaf pa-bah-jaoulaan
Kahin pay haakim ko bas hukoomat pay hai bharosa
Kahin pay musanif ko apni touqeer ki tamana
Kahin pay naam-e-khuda ka sauda
Kahin rasool-e-khuda (PBUH) ki hurmat ke naam pay
Bay-gunah logon ka khon-e-nahaq
Kahin pay rahabar banay hain rahzan
Kahin pay mazdoor ki kamaai pay qadghanain hain
Kahin riyasat ki saari doulat pay kuch ghranon ka aisa qabza
Kay har kisi ki baqa bhi
Unn ki dastay ghuroor mein hai

Yeh sab tumhara chalan hai ab tou
Aur us pay dawa kay tum sab kuch
Mere liay hi tou keh rahay ho
Ajeeb si hi yeh khud faraybi
Ajeeb tar hi yeh kam-nigahi
Bas aik lamhay ko itna socho
Wajoud mera hay jis kay baiss
Tum aaj dunia main shadmaan ho
Yeh moujza bhi hay mujh say moujaz
Kay aaj tum meer-e-karwan ho
Bas aik lamhay ko itna socho
Ju main nahin houn to tum kahan ho