صورتِ حال سازگار نہیں

آج ماحول خوشگوار نہیں

اہلِ دِل صاحبِ جنوں نہ رہے

گیسوئے حُسن تابدار نہیں

تیری یادیں بہار ساماں ہیں

موسمِ گُل پہ انحصار نہیں

دامنِ دِل کو کیا رفو کیجئے

چاکِ گل ہے تو نوکِ خار نہیں

زرد رو چاند، رات، تنہائی

دوستوں کا کوئی شمار نہیں

کونسی شے پہ ناز کرتے ہو

کوئی بھی چیز پائیدار نہیں

حسبِ عادت دھڑکتا رہتا ہے

اب یہ دِل محوِ انتظار نہیں

چاند بے کیف سی زمیں نکلا

اب کسی شے کا اعتبار نہیں

اُن کی آنکھوں سے کیا گلہ فوّاؔد

اپنے ہی دِل پہ اختیار نہیں

Soorat-e-haal sazgaar nahi
Aaj mahool khushgawaar nahi
Ehl-e-dil sahib-e-junoon na rahay
Gaisoo-e-husn taabdaar nahi
Teri yaadein bahaar saa’maa hain
Mausam-e-gul pe inhisaar nahi
Daman-e-dil ko kiya rafoo kijiye
Chaak-e-gul hai tou nok-e-khaar nahi
Zard roo chaand, raat, tanhai
Doston ka koi shumaar nahi
Konsi shai pe naaz kartay ho
Koi bhi cheez paaedaar nahi
Hasb-e-aadat dharakta rehta hai
Ab yeh dil mehv-e-intezaar nahi
Chaand bay-kaif si zameen nikla
Ab kisi shai ka aitbaar nahi
Unn ki aankhon se kiya gilaa Fawad
Apnay he dil pe ikhtiyaar nahi